ကျေးဇူးတင်လွှာ

ဒီ တစ်ခေါက် ဖျားတာ ရက်ရှည်သော်ငြား မောင် Harry တစ်ယောက် အဆွေခင်ပွန်း၊ မိတ်သင်္ဂဟ၊ ညီအစ်ကို မောင်နှမများ၏ မေတ္တာ ပို့သမှုများကြောင့် (ချောင်းအနည်းငယ် ဆိုးနေသ်ာငြား) နေပြန်ကောင်းသွားပါပြီ။

ရောက်ကတည်းက တစ်ပတ်လုံးပြုစုပြီး ပြန်သွားတဲ့ အဖေ။ ဆေးခန်းကို မအားတဲ့ ကြားက အမြဲလိုက်ပို့ပေးတဲ့ ဦးလေး။ နေကောင်းသွားပြီလား တဖွဖွမေးတဲ့ အဒေါ်။ ဆေးတိုက်၊ ဆန်ပြုတ်ပြုတ် ပေးတဲ့ အိမ်က အမကြီး။ ဆေးပေါင်းပေးပြီး တစ်ချိန်လုံး ဂရုစိုက်တဲ့ အဖွား။ တစ်ကူးတက မြူစွမ် ပြုတ်ပြီး လာတိုက်တဲ့ ချစ်သူ။ နေစ မကောင်းစဉ် ကတည်းက အိမ်လာစောင့်မယ် လုပ်သော မဖူးငုံသင်းနှင့် မောင်အောင်ဟိန်းဦး။ ဒုတိယံပိ ဖျားတော့ လာစောင့်မယ်ဆိုသော မောင်အောင်သူမိုးနှင့် မောင်ဝကစ်။ သာကြောင်း မာကြောင်း ဖုန်းတစ်တန် msg တစ်တန် facebook တစ်တန် လှမ်းလှမ်းမေးကြသော ချစ်သူငယ်ချင်းများ။ ကျနော်လုပ်စရာတွေကို နေမကောင်းစဉ် ဝိုင်းလုပ်ပေးကြတဲ့ SPMSC committee မှ ညီအစ်ကိုမောင်နှမ များ။ ကျေးဇူးတင်ထိုက်သူ ဘော်ဒါအားလုံးကို ကျေးဇူးတင်ပါသည်။ ^_^

ကျန်းမာရွှင်လန်းချမ်းမြေ့ကြပါစေ။ ။

ဆက်ဖတ်ရန်...

ပြန်သိမ်းရန်...

ညီမလေး တစ်လပြည့် မွေးနေ့

ဒီနေ့ မောင် Harry နေကောင်းချင်ချင် ဖြစ်နေပြီ။ လူက ထူထူထောင်ထောင်နဲ့။ အဖျားတော့ နည်းနည်း ဆိုရုံလေးရှိသေးသည်။ ဒါပေမယ့် ကင်မရာတစ်လုံးနဲ့အလုပ်များနေသည်။ ဒီနေ့ အိမ်က ညီမ ဝမ်းကွဲလေး ၁ လပြည့် မွေးနေ့လုပ်တယ်။ အရင်ပတ်ကတည်းက ဦးလေးနဲ့ အဒေါ်ကို ပွဲအတွက် ဓာတ်ပုံရိုက်ပေးမယ် ပြောထားတော့ ရိုက်ပေးဖြစ်အောင် ရိုက်ပေးလိုက်သည်။ ညီမလေးကတော့ အိမ်ပေါ်က ဆင်းကတည်းက လှည်းပေါ်မှာ အိပ်နေတော့သည်။ ၁၂ နာရီလောက်က စလို့ ၂ နာရီကျော်လောက်မှာ ပြီးသွားသည်။ ဦးလေး အဒေါ်တို့ရဲ့ ဧည့်သည် မိတ်ဆွေတွေအများကြီး လာကြတယ်။ လာတဲ့ ဧည့်သည်ထဲက ကလေးမလေးတစ်ယောက်က ညီမ ဝမ်းကွဲလေးကို ကြည့်ပြီး သူ့အမေကို မေမေ သမီးကိုလဲ ဒီလိုမျိုးညီမလေး မွေးပေး တဲ့။ ဟီး.. ^_^ ၂ နာရီလောက် ဆက်တိုက် ဓာတ်ပုံရိုက်ပေးပြီး ဝိုင်းသိမ်းကူပေးပြီး ပွဲကိုကူပေးလိုက်သည်။ Happy ၁ လပြည့် မွေးနေ့ပါ ညီမလေး။ (နာမည်ကို တရုတ်နာမည်ပဲ ပေးရသေးတော့ နာမည် အပြည့်စုံပေးပြီး ၁ နှစ်ပြည့်မွေးနေ့လုပ်မှပဲ နာမည်ကို ထပ် update လုပ်တော့မယ်။ =D)

မွေးနေ့ရှင်လေး အိပ်နေပုံ

နိုးတော့မယ်

ဖွားအေလက်ထဲမှာ

ဦးလေးမိသားစုပုံ

ဆက်ဖတ်ရန်...

ပြန်သိမ်းရန်...

အပြစ်ရယ် မတင်စေလို

မနေ့ညနေက အိမ်က အမကြီးက ဆန်ပြုတ်ပြုတ်ပြီး လာတိုက်တယ်။ ဆန်ပြုတ်က အရမ်းပေါ့ရွှတ်နေ၏။ (အမလေး.... ပေါ့ရွှတ်နေလိုက်တာ) စိတ်ထဲမှာပေါ်လာတဲ့ခံစားမှု။ ဒါပေမယ့် ကျနော် "အမရေ ဆားလေးနည်းနည်းလောက် ထည့်ပေးပါလား" လို့ပဲ ပြောဖြစ်သွားသည်။ ဘာကို ကျနော်ပြောချင်တာလဲဆိုတော့ လိုအပ်တာပဲ ပြောသင့်သည်။ ပေ့ါရွှတ်နေလိုက်တာဗျာ ဆိုတဲ့ မှတ်ချက်က တကယ်တမ်း အသုံးမဝင်။ စေတနာပျက်သွားစေမည့် မှတ်ချက်မျိုး။ လုပ်ပေးသူအနေနဲ့လည်း လုပ်လာပေးရပြီး ဒီလိုအပြောခံရတာ တကယ် ပေ့ါနေသည့်တိုင်အောင် စိတ်ထဲမှာကောင်းမှာမဟုတ်။

"မကောင်းကြောင်းကို လွှတ်ကနဲ ပြီးပြီးရော ဝေဖန်လိုက်ချင်းဟာ တစ်ခြားသူကို အပြတ်သတ် ထိခိုက်သွားစေနိုင်သလို အခြေနေကိုလဲ အကျိုးထူးမလာစေဘူး။"

Philippines မှာတုန်းက တစ်ရက်၊ ကျနော်တို့ကို Welfare တာဝန်ခံ သူငယ်ချင်း Patrick က ဓာတ်ဆားရည် လာတိုက်သည်။ လူအများဆိုတော့ သောက်လို့ အဆင်ပြေအောင်ဆိုပြီး ရေပုံးကြီးနဲ့ ဖျော်ပြီး သူကိုယ်တိုင် ထမ်းပြီး လာချပေးသည်။ ပြီးတော့ ခွက်ပါကမ်းပေးသေးသည်။ အဲဒါကို မောင် Harry သောက်ပြီးပြီးချင်း ရုတ်တရက် ရင်ထဲက ခံစားမှု ပလွတ်ကနဲ ထွက်သွားသည်။ "ပေါ့ရွှတ်နေလိုက်တာ သူငယ်ချင်းရာ" လို့။ တခြားသူငယ်ချင်းတွေကလဲ အားပါးတရ ပေါ့ရွှတ်နေကြောင်း အရသာမရှိကြောင်း ရေများကြောင်း ဝိုင်းပြောသည်။ သူငယ်ချင်းမျက်နှာ လုံးဝမကောင်း။ ကျနော် ချက်ချင်း အားနာသွားသည်။ အဲဒီနေ့က ကျနော် သူ့ကို တော်တော် တောင်းပန်ဖြစ်လိုက်သည်။ နောက်မှ သိရတာက အဲဒီ ဓာတ်ဆားမှုန့်တွေကို Singapore ကနေ သူ့ပိုက်ဆံနဲ့ သူ တစ်သင်းလုံးအတွက် ဝယ်လာတာ။ ပြီးတော့ de-hydration မဖြစ်စေချင်လို့ ရေပိုထည့်တယ်ဆိုတာရယ်။ အဲဒီကတည်းက မောင် Harry တစ်ယောက် တော်တော်အသိတရားရသွားသည်။ မကောင်းကြောင်းကို လွှတ်ကနဲ ပြီးပြီးရော ဝေဖန်လိုက်ချင်းဟာ တစ်ခြားသူကို အပြတ်သတ် ထိခိုက်သွားစေနိုင်သလို အခြေနေကိုလဲ အကျိုးထူးမလာစေဘူး။

အဲဒီအကြောင်းကို ဘယ်မှာ ထပ်ပြီး ကိုယ်ချင်းစာတတ် သွားလဲဆိုတော့ ကျနော်တို့ ထမင်းချက်တဲ့နေ့။ ငါးဝယ်လာသည်။ ချက်ဖို့ဝယ်လာတဲ့ ငါးက အကောင်အကြီးစား။ တစ်သင်းလုံးစာလောက်မယ် အမှတ်နဲ့ ဝယ်လာတာ။ ကြော်လိုက်တော့ ပိုးစိုးပက်စက် ကျုံ့သွားရော။ မလောက်မငတွေ ဖြစ်ကုန်တယ်။ ဝိုင်းပြီး ပြောလိုက်တဲ့ မှတ်ချက်တွေ ကြောင့် ကျနော်အပါဝင် အဲဒီနေ့က ထမင်းချက်တဲ့ တဖွဲ့လုံး တစ်နေ့လုံးကို စိတ်ညစ်သွားတာပဲ။

အလားတူ ကိစ္စမျိုးတွေ အားလုံးလည်း ကြုံဖူးကြမည်ထင်ပါသည်။ ပြောတဲ့သူနေရာမှာရော၊ အပြောခံရသူနေရာမှာရော။ တစ်ခါတစ်လေမှာ အခြေနေပေါ်လိုက်ပြီး အဆင်မပြေမှုတွေ အနည်းနဲ့ အများရှိတတ်ပေမယ့်၊ ကိုယ်အဆင်မပြေတာကို ပြီးစလွယ်မပြောခင် ဘယ်လိုပြောသင့်သလဲ ဘယ်လိုပြောမှအကျိုးရှိမလဲ သုံးသပ်ပြီးမှ ပြောသင့်သည်။ နှစ်ဦးနှစ်ဖက်လုံး အတွက် အကျိုးမရှိမယ့် စကားတွေ မပြောပဲ နေလိုက်တာ ပိုမကောင်းဘူးလားဗျာ။ သေချာတာတော့ အပြစ်တင်ခြင်းနဲ့ ပြီးစလွယ် ဝေဖန်ခြင်းက ဘယ်တော့မှ ပြသနာကို ရှင်းသွားမှာ မဟုတ်ဘူး။

တစ်ယောက်နဲ့တစ်ယောက် အပြစ်တင်ခြင်း ကင်းရှင်းကြပါစေ။ ။

ဆက်ဖတ်ရန်...

ပြန်သိမ်းရန်...

ဝင်ခလုတ် ထွက်ခလုတ်

အရင်ကတည်းက စာမေးပွဲနီး၊ စာလုပ်လျှင် post တွေ ပိုတက်သည်။ ကျောင်းစာလုပ်ရင် post ရေးချင်လာတာ ဘာရောဂါမှန်းမသိ (H2N2) ထင်တယ်။ ဟီး... မောင် Harry စာကောင်းကောင်းမရေးဖြစ်တာ ကြာပြီ။ အရင်ပတ်က တစ်ပတ်လုံးဖျားနေတော့ လူက ဘာမှကို မသိ။ တနင်္လာ အင်္ဂါက အဖျား ကျမလိုလိုဖြစ်ပြီး မနေ့က ထပ်ဖျားပြန်သည်။ ဒါနဲ့ ဆေးခန်းထပ်သွားပြတော့ H1N1 တော့ မဟုတ်ပါဘူး ဆိုလို့ ဟင်းချနိုင်သည်။ Flu ကိုမှ ထပ်ပြီး flu တာတဲ့။ (အေးရော) အခန့်မသင့်ရင် ၃ ပတ်လောက်ထိ ဖြစ်တတ်တယ် ဆိုပဲ (ဘုရားဘုရား..)။ အဲဒါ ဆရာဝန်က ဆေးထပ်ထိုးပေးလိုက်သည်။ တော်သေးတာပေါ့ ကျောင်းပိတ်ရက်မို့လို့ တဲ့။

မတော်သေးဘူး ဆရာ။ ကျောင်းက ပြန်ဖွင့်ဖွင့်ချင်း စာမေးပွဲ ၄ ခု၊ assignment ၁ ခု၊ report ၁ ခုက အဆင်သင့်စောင့်နေတယ်။ ဒီနေ့တော့ နည်းနည်းသက်သာတော့ စာစလုပ်နိုင်ပြီ။ စာလုပ်မယ်ဆိုပြီး ဖွင့်လိုက်တော့ စာမေးပွဲ မေးခွန်း sample တွေက online ပေါ်မှာ။ browser ဖွင့်လိုက်တာနဲ့ ကျောင်း website ရောက်ဖို့ facebook တို့ flickr တို့ကို ဖြတ်သန်းရ၏။ =D နောက်တော့ ကျနော့် ဘလော့ရဲ့ google analytics ယောင်ပြီးရောက်သွားတယ်။ ပုံမှန်ဖတ်နေကြသူ တွေရှိသေးတာကို တွေ့ရတော့ ဝမ်းသာမိ၏။ post တွေ မှာ comment တွေ မျှော်မိပေမယ့် generally ကျနှုတ်ဆက်ဖို့ အဆင်မပြေလှတာကို တွေ့ရတယ်။ ဒါနဲ့ blog လာလည်သူ မိတ်သင်္ဂဟ အပေါင်းတို့နှင့် တို့စရာ ပြောစရာရှိ ပြောလို့ တို့လို့ရအောင် shout mix ကို ပြန်ထားထားပါသည်။ ဝင်ခလုတ်၊ ထွက်ခလုတ်၊ နှုတ်ဆက် စကားတရဆက် ပြောကြပါကုန်သောဝ်...

ကျန်းမာရွှင်လန်းချမ်းမြေ့ကြပါစေ။ ။

ဆက်ဖတ်ရန်...

ပြန်သိမ်းရန်...

o so random

Jux had my lunch (congee) n taken the meds.

Got 98.6'F (still mild fever?).

Tomorrow is my youngest cousin sis's 1 month B'Day.

Mid Semester Test is at the corner! still haven't study "System and Control" which is the Wednesday paper.

Had My dad's homemade cough medicine.

Miss my girl.

Haven't go out to shoot with my "Tamron (18-270mm) Lens" and "Canon 580 Mark-II flash"

Like this movie from youtube.

Gonna take a nap now. ^_^

ဆက်ဖတ်ရန်...

ပြန်သိမ်းရန်...

အကောင်းဆုံး မြူစွမ်

ဒီနေ့ ချစ်သူနဲ့ ချစ်သက် ၁၀ လပြည့်တဲ့နေ့။ ပုံမှန်ဆို တစ်နေရာရာသွားပြီး ညစာ အတူစားတတ်ပေမယ့် ကျနော်က အရင်အပတ်ထဲ မှာ တပတ်လုံး ဖျားထားတော့ နလံထူခါစမို့ အပြင်မထွက်နိုင်။ ချစ်သူက ပုံမှန်ဆို ဟင်းသိပ်မချက်တတ် (ဟိ.. ဖော်တာတော့ မဟုတ်ပါဘူး =P) ဒါပေမယ့် ကျနော့်ကို ဘာစားချင်လဲဆိုတော့ ကျနော်လဲ အာသီသရှိတဲ့ မြူစွမ် လို့ ပြောလိုက်မိတယ်။ အဲဒါကို ဒီနေ့ သူ့အမေကို သင်ခိုင်းပြီး ကိုယ်တိုင်ချက်တယ်။ ချက်ပြီးတော့ ကျနော်စားဖို့ ဆိုပြီး ၁နာရီကျော် ဝေးတဲ့ ခရီးကို တကူးတကလာပြီး လာပို့လေရဲ့။ စားဖူးသမျှ မြူစွမ် တွေထဲမှာ ဒီမြူစွမ်ကတော့ စားလို့ အကောင်းဆုံးပါပဲ။ တူညီတဲ့ အစာပလာတွေ ထည့်ပေမယ့် မတူညီတဲ့ မေတ္တာတွေ ပါနေတဲ့ မြူစွမ်တစ်ခွက်ကို ကျနော် မြည်းစမ်းဖူးသွားပါပြီ။ အရမ်းကို ကြည်နူးမိပါတယ် ချစ်သူ။ ။

***Happy 10th month anni dear. Love ya loads. XoXosss...***

ဆက်ဖတ်ရန်...

ပြန်သိမ်းရန်...

ဖျားနာခြင်း

ဒီရက်ပိုင်း မောင် Harry အအေး မိချင်မိချင် ဖြစ်နေသည်။ တနင်္လာ ညနေက ကျောင်းက အပြန် ကိုယ်က ရှိန်းရှိန်း ရှိန်းရှိန်းနဲ့ ချမ်းသလိုလိုဖြစ်လာတော့ သိလိုက်ပြီ။ အဖျားတော့ တက်နေပြီလို့။ ကံကောင်းချင်တော့ အဲဒီနေ့က အဖေ ရန်ကုန်က ရောက်သည်။ အိမ်ပြန်ရောက်တော့ ဖက်နှုတ်ဆက်လိုက်တော့ အဖေက ကိုယ်ပူနေတာ သိပုံနဲ့ ကြည့်တော့ ကျနော်လဲ "သားကိုယ်နည်းနည်းပူနေတယ်" လို့ပြောလိုက်သည်။ တိုင်းကြည့်တော့ အဖျားက 101.9 အဲဒါနဲ့ အဖေက ကျနော့်ကို ခေါင်းကို နှိပ်ပေးပြီး အခိုးဖွင့်ပေးသည်။ ညည်းစီစီ ဖြစ်နေပြီး တက်နေတဲ့ အပူချိန်က ချက်ချင်းကျသွားသည်။ ခေါင်းလဲ တော်တော်ကြည်သွားသည်။ ညပိုင်းကို စောစော ထိုးအိပ်လိုက်သည်။

ကျနော်က ငယ်ငယ်ကတည်းက ခဏခဏ ဖျားတတ်သည်။ ဖျားလျှင်လဲ အခြေနေဆိုးသည်။ ရေသောက် ရေအန်၊ အိပ်ရာထဲ မှာ အလူးအလဲ၊ ရက်လဲ ရှည်သည်။ အဖေက ဖုန်းဆက်တိုင်းကျန်းမာရေး ဂရုစိုက်ဖို့ပဲ မှာသည်။ မှာတဲ့ကြားက အဖေအလာ၊ အဖျား ကွက်တိသွားကျသည်။ တော်သေးတာက ကျောင်းပိတ်ရက်ထဲကျနေလို့။

အရင်ကဆို ဖျားလျှင် ဘာမှမလုပ်ချင်၊ ဆေးခန်းတောင်မှ အဖေထမ်းပို့ရသည်။ အဖေလုပ်ပေးတဲ့ ဆန်ပြုတ်သောက်၊ အချိန်တန်ရင် လာတိုက်တဲ့ဆေးသောက်၊ ချွေးထွက်လွန်မှာ စိုးလို့ လာလာစမ်းပြီး အင်္ကျီလဲပေးတာစောင့် နဲ့၊ ဖျားလျှင်ဘာမှ မလုပ်တော့။ စင်္ကာပူရောက်တော့ တစ်ယောက်တည်း ပိုဆန်သည်။ ဦးလေးနဲ့ အဒေါ်ကလဲ ဂရုတော်တော်စိုက်ပါသည်။ ဒါပေမယ့် အချိန်တော်တော်များများက ကိုယ့်ဟာကိုယ်ဖြစ်လာသည်။

ခါတိုင်းဆို ခေါင်းကြီး အုံပြီး ဘာမှမစားချင်နဲ့ အိပ်ယာထဲမှာပဲ ခွေနေတတ်တဲ့ မောင်Harry နောက်ပိုင်း မဖျားခင်ကတည်းက ဆေးကြိုသောက်၊ ဖျားလျှင်လဲ ရေဖိသောက်နဲ့ ဂရုစိုက်တတ်လာသည်။ ရေသောက်ရေအန်ကတော့ ဖြစ်သေးသည်။ ကျနော်က ထစ်ကနဲဆို အန်တတ်သည်။ အရင်ကဆို ဘာမှ ထည့်မရတဲ့အဆုံး drip ချိတ်ရသည်။ နောက်ပိုင်း အဲလိုဖြစ်တာနဲ့ ဓာတ်ဆားရည် ဖိသောက်ပြီး အစပိုင်း နည်းနည်း ပိုအန်လိုက်သည်။ ၆ ခါလောက် ပြန်အန်ပြီး ရင်ငြိမ်သွားပြီး ဆေးသောက်လို့ရလာမှန်း ကိုယ့်အခြေနေကိုယ်သိလာသည်။

ဒီ တစ်ခေါက် အဖျားအတွက်တစ်ရက် စောင့်ကြည့်လိုက်သည်။ အဖျားက ၁၀၀ နားမှာ ဝဲနေသည်။ လူကတော့ ဘာမှ မဖြစ်။ ခေါင်းလဲမမူး အန်လဲမအန်။ နေသာထိုင်သာတော့ ရှိလှသည်။ ဒါနဲ့ အဖျားက ကျန်နေသေးတဲ့ အဆုံး ဆေးခန်းသွားပြသည်။ ဆေးခန်းရောက်တော့ အဝင်မှာ တင်အဖျား တိုင်းချလိုက်သည်။ အဖျားရှိတယ်။ SWINE FLU form ဖြည့်ပါ တဲ့။ ဒါနဲ့ မောင် Harry ဖြည့်သင့်တာဖြည့်ပြီး ထိုင်မယ်လုပ်တော့။ မျက်နှာဖုံး တစ်ခုပေးပြီး သူတို့ထိုင်ခိုင်းတဲ့ သတ်သတ်တစ်နေရာမှာ ထိုင်ရသည်။ ဆရာဝန်နဲ့ တွေ့တော့ ကျနော်ဖြစ်တာတွေ ပြော၊ သူလဲ ရေးချင်ရာရေးပြီးတော့ Swine တော့ မဟုတ်ဘူးတဲ့။ ဟီး ပျော်ရမလိုလို.. ဒါနဲ့ ဆေးတွေ တစ်လှေကြီး ပေးလိုက်သည်။ အဲဒါတွေ သောက်။ သောကြာနေ့မှ မပျောက်ရင် ပြန်လာခဲ့တဲ့။ သွေးစစ်မယ်ဆိုပဲ။

ဒီမှာက အားလုံး မိဝေးဖဝေးနဲ့ လာပြီး ပညာကိုကြိုးစား သင်ယူ၊ အလုပ်ကြိုးစား လုပ်နေကြရတာ။ ကျန်းမာရေးဂရုစိုက်သင့်သည်။ စိုက်တဲ့ ကြားက ဖျားရင်လဲ ကိုယ့်အခြေနေကိုယ်သိသင့်သည်။ ပြီးရင် သူငယ်ချင်းတွေကိုလဲ အသိပေးသင့်သည်။ အင်္ဂါညနေက အဖျားနည်းနည်းကျတော့ ကျောင်းက ကိစ္စတွေ အတူတူလုပ်နေတဲ့ သူငယ်ချင်း ညီအစ်ကိုမောင်နှမ တစ်ချို့ကို ဖျားနေကြောင်း msg ပို့လိုက်သည်။ အဖျားတက်နေတုန်း တစ်နေ့လုံး ဖုန်းမကိုင် msg မပြန်လျှင် သူတို့အတွက် လုပ်စရာတွေ ကသီ နိုင်သည်။ ပြောထားတော့ ဘာပဲပြောပြော လုပ်စရာရှိတာ သူတို့ ဆက်လုပ်ထားလို့ရသည်။ အဲလို msg ပို့လိုက်တော့ သူငယ်ချင်း ဖူးငုံသင်းနဲ့ အောင်ဟိန်းဦးက "အခြေနေကောင်းရဲ့လား၊ စောင့်မယ့်သူမရှိရင် လာစောင့်ပေးမယ်လေ" တဲ့။ ကျေးဇူး တင်လိုက်တာ သယ်ရင်းတို့ရယ်။

ကျန်းမာရွှင်လန်းချမ်းမြေ့ကြပါစေ။ ။

ဆက်ဖတ်ရန်...

ပြန်သိမ်းရန်...

ဒီရက်ပိုင်း

ဒီရက်ပိုင်း မောင် Harry ဓာတ်ပုံတွေနဲ့ အလုပ်များနေ၏။ ဟိုရက်တွေက Chinese Garden နဲ့ Labrador Park သွားဖြစ်တယ်။ တော်တော်သာယာတယ်။ ဓာတ်ပုံတွေလဲ အများကြီးရခဲ့တယ်။ ^_^ နောက်ပြီး ဒီရက်ပိုင်းအတွင်း HDR (high dynamic range) ဓာတ်ပုံတွေ ကို အရသာတွေ့နေတယ်။

ကျောင်းက ဒီအပတ်က စပိတ်တယ်။ ကျောင်းသာပိတ်တယ်၊ လူက လုပ်စရာတွေ၊ လုပ်ချင်တာတွေ များနေတယ်။ FYP လည်း စနေပြီ။ ဓာတ်ပုံရိုက်ထွက်ဖို့လဲ လမ်းများချင်နေတယ်။ ကျောင်းပြန်ဖွင့်ရင် စာမေးပွဲဖြေဖို့လဲ ပြင်ဆင်ရဦးမယ်။ တခြားဟာတွေလဲ လုပ်စရာပုံနေတယ်။ .. ပြောနေကြာပါတယ်။ ဆက်လုပ်လိုက်ဦးမယ်။

ရွှင်လန်းချမ်းမြေ့ကြပါစေ။ ။

ဆက်ဖတ်ရန်...

ပြန်သိမ်းရန်...