Some Back-Ups

၁) တစ်ရက်က ကျနော့်သူငယ်ချင်းတစ်ယောက် ဖုန်းပျောက်သွားတယ်။ သူငယ်ချင်းတွေ အဲဒီ ဖုန်းပျောက်၊ ဖုန်းပျက်တဲ့ ကိစ္စ ခဏခဏ ကြုံကြတယ်။ ဖုန်းလဲပျောက်ရော အထဲမှာပါတဲ့ နံပါတ်တွေ တစ်လှေကြီး ကုန်ရောပဲ။ အရမ်း ဒုက္ခရောက်ကြတယ်။ ကျနော်တို့တတွေ ဖုန်းနံပါတ်တွေကို အရင်လို ခေါင်းထဲ စာရွက်ထဲ မှတ်ကျင့်မရှိကြတော့ဘူး။ ကောင်းတာက ဖုန်းထဲရှိတဲ့ ဖုန်းနံပါတ်တွေကို soft copy ရော hard copy ပါ ထားသင့်တယ်။ soft copy ကို နာမည် နဲ့ နံပါတ်တွေကို synchronize လုပ်ပြီး online ပေါ်တင်ထားတာ ကောင်းတယ်။ hard copy ကိုကျတော့ ကိုယ့် မိသားစုနဲ့ သူငယ်ချင်းအရင်းတစ်ချို့ ရဲ့ ဟာလောက်ကို မှတ်ထားပြီး ခေါက်ပြီး ပိုက်ဆံအိတ်ထဲ ထည့်ထားတာကောင်းတယ်။ တစ်ခုခုဆို ဆက်သွယ်စရာ ရတာပေါ့။

၂) ကျနော်တို့တတွေ Online မှာ Account ပေါင်း သောင်းခြောက်ထောင်ရှိတတ်တယ်။ ပြီးတော့ မသုံးတာကြာတော့ မေ့ရော။ Password မေ့တာရှိသလို Username မေ့တာလဲ ရှိတယ်။ အဲဒါတွေကို Site Address ရယ်၊ Username ရယ်၊ Password ရယ်ကို သတ်သတ်မှတ်မှတ် တစ်နေရာမှာ list လုပ်ပြီး သိမ်းထားပါ (soft copy ပိုကောင်း၏)။ အရမ်းအရေးကြီးတာတွေ ကိုတော့ ကိုယ့်ဟာကိုယ် ကြည့်ကျက်လုပ်ပေါ့။

၃) ပြီးတော့ ကျနော်တို့ ရေးခဲ့သမျှ blog post တွေကို back up လုပ်ထားသင့်ပါတယ်။ ဘာပဲပြောပြော စိတ်နှစ်ပြီး အချိန်ကုန်ခံ၊ ဦးဏှောက် အစားခံရေးခဲ့ ရတာတွေဆိုတော့ တန်ဖိုးထားသင့်ပါတယ်။ ကောင်းတာက html ပိုင်းပါတာကို ကူးပြီး သိမ်းပါ။ ဒါမှ အထဲမှာပါတဲ့ အသေးစိတ်ကို ပါ ကူးပြီးသားဖြစ်မှာ။

ကျနော်စဉ်းစားမိသလောက် တင်ပြလိုက်ပါတယ်။ တခြား back up လုပ်ထားသင့်တာလေးတွေ ရှိရင်လဲ မျှဝေပြောပြကြပါဦး။

ရွှင်လန်းချမ်းမြေ့ကြပါစေ ။ ။